cccc

cccc

تحدث طبيبي النفسي عن ذلك الإنسان الذي يعود من المجاعة ناسيا كيف يأكل. على الموائد المعدة للمصالحة يقيء لاإراديا. أعتقد أنني أقيء أيضا بأشكال مختلفة Subversiveness is neither cool nor adolescent

الاثنين، رجب 03، 1426

 
أبويا اتكلم عن التشميس عند القبائل يعني النفي

طب و فيها إيه لما الواحد يتشمس

طب وختم الأنبياء معناه إن مفيش ملهمين؟

أعتقد العملية في حاجة فقط إلى تخيل واضح لاستاد القاهرة في الدماغ تصفيق الجماهير أو الرقص على طاولات المطاعم أي حط نفسك في مركز الكون و صحابك جنبك و اتكلم

طبعا الموضوع محرج شوية لما الواحد من دول بعدين يتكلم مع اللي قاعد جنبه في المترو و أكنه بيخاطب قريش لا مؤاخذه يا استاذ متوجعش دماغنا بس برضه أحسن من عكسها و اللي بنشوفه في وضوح في أخواننا السوريين مثلا أو العراقيين حتى و إن كانوا عايشين في بلاد بره يوشوشوك و يبصوا حواليهم بحذر حتى و إن كانوا بيكلموك في ماتش كوره و الله أعلم يمكن الحال كان عندنا كده زمان يا مان و هو فعلا ما فاتش وقت كتير على حواري مع واحد بلدياتنا كان بيحذرني من إني أشتري روز اليوسف لحسن أمن الدولة يحطني على اللستة إيه يا عم الكلام ده؟

الخوف طبعا مشكلة عشان كده كنت أصلا عاوز أكمل كلامي عن ال
International Zone
طنجة المغربية إللي إتقلبت
Interzone

في كتب وليام بوروز ومثلها في كتب أعظم فيلسوف فطري في القرن العشرين على حد رأيي الإنجليزي
دوجلاس أدامز (أشهر كتاب
إسمه "دليل المسافر في فسيح الكون" ترجمة اعتباطية مش عارف الكتاب ده متترجم ولا لأ) كتب أدامز برضه مليانة كائنات خارفية ناتجة عن انفتاح العوالم على بعضها و عن استعداد "المسافر في فسيح الكون" للتعرف على ما يحيط بعالمه رغم أن ذلك قد يقلب معتقداته كلها رأسا على عقب. بس ما هو معاه "الدليل"، كتاب صغير فيه شروحات للثقافات الكونية المختلفة. لكن مع دقة هذه الشروحات و التفصيلات في فهم كل ما هو جديد و غريب فالمضمون الأساسي للدليل متلخص في كلمتين بيذكر بيهم حامله دائما لأنهم مطبوعين بأحرف كبيرة على الغلاف

لا تخف
dont panic

الموضوع طبعا بيزداد تعقيدا لما المسافر في الكتاب بيكتشف إن بيته الأرض قد دمرت و لا رجعة إلى ما هو مألوف و إنه يعنى هيفضل
غريب في فسيح الكون مع ذلك "لا تخف" و برضه غريب عن غريب يفرق

في النت بالعربي ميل دوجلاس طاغي تماما على دوجلاز أدامز لكن يا سلام لقيت سخس بيفهم

: - )

Comments:
مضطر للاختلاف معك بالرغم من اتفاقي لأحافظ على أكبر قدر من الضوضاء و إنتروبيا الفكر في كل وحدة حجم من العقل الجمعي.
 
the crazy thing is that enthropy increases naturally. and that the processes invented to avoid that (maintaining order or rather clarity) only increase it even more. like: نلتختمم بلتهتى تليلتيل متلبل نتلملتيلت متبليبلتيبلتي كنتلاتايبع ملهلهلكمسيلكسل نن نن نن نن نن نن نن ععفعغقى اااىىىى

now i would have to put a lot of energy into finding an arabic keyboard right now and organizing these letters above, will refrain because it is very bad fot the entropy :)
 
هههه.. مع إنى وقعت منك فى حتت كتير.. وحتت أكتر إضطريت أقرأها أكتر من مرة عشان أفهمها.. لكن عجبتنى..

فيها شئ يشدك كدة تقرأ.. يمكن الغموض ويمكن.. إمم مش عارفة

بس فى حاجات مش فاهماهة كويس..
تفتكر دا لأنى عديمة الخبرة ولا نقصة ثقافة.. ولا عندك أسباب أخرى..؟

على فكرة.. أنا قعدت أفكر فى موضوع إسم مدونتك
CCCC
دة.. بس هل تقصد الأشكال اللى بنشوفها عند دكتور العيون أم ماذا..؟
وسؤال آخر من فضلك.. الرسمتين اللى فوق دول بيعبروا عن إيه بالظبط.. عن إنتشار الصوت مثلاً.. ولا إنتشار الفكر ؟

أنا تعبت فى مدونتك.. بس رجعالك.. متخفش
 
استمر باركك
ابليس و عمدك بلعزبول .. و طنط إيزيس و عمو حورس من الفيوم
 
إرسال تعليق

<< Home

Archives

أغسطس 2005   سبتمبر 2005   يونيو 2006   أغسطس 2008   أكتوبر 2009   فبراير 2011   أبريل 2011   يوليو 2011  

This page is powered by Blogger. Isn't yours?